கடைக்கண் பார்வை

மயானமாகியது பெண்ணே,

என் மனம்,நீ 'இல்லை' என்று சொன்ன பதிலில்!

புல்வெளியில் பனித்துளியாய்..

இதோ,புதியவளின் கடைக்கண் பார்வை.

உன்னுள் அடக்கம்!

என் மனமே,

ஜாக்கிரதையாய் இரு!

எந்நேரமும் உன்னுள் ஆனந்த புயல் வீசலாம்..

அவன் மின்சாரப் பார்வை பட்டு.

என் இதயமே,

உன் துடிப்புகளை இப்பொழுதெல்லாம் என்னால் கேட்க முடிவதில்லையே? காரணம் .. நீ அவனிடம் இருப்பதால் தானோ?

என் உயிரே,

உன் உடம்பு வெறும் காற்றில்லா பெட்டகம் தானோ?

உணர்வுகள் நிகழ்வில் நில்லாமல்,

கனவுலகில் நினைவாக சஞ்சரிப்பதால் தான் ஏனோ..

என் உயிரே ! உனை அவன் கண்களில் தேடுகிறேன்.

படித்ததில் பிடித்தது..

வாகனம் ஓட்டும் போது,செல் போன் அடித்தால் எடுக்காதே ... அழைப்பவர் யமனாகக் கூட இருக்கலாம்!

ரோஜா ..

பாறையில் பூத்த ரோஜாக்கள் ..

குப்பை தொட்டியில் பிஞ்சுகள் !

ஹைகூ ..

தோற்றம் : உன் பார்வை பட்ட அன்று

மறைவு : உன்னை காணாத பொழுதெல்லாம் !

...கனவே கலைந்துவிடு !!

மருந்தென நினைத்து விஷத்தை அருந்திவிட்டேன்.. துடிக்கிறேன் ..தவிக்கிறேன் .. இதயம் வலிக்க !
பறக்க நினைத்து .. கூண்டை எறித்தேன் .. சிறகுமல்லவா சேர்ந்து எறிந்தது !

வெற்றிப் படிகளில் ஏறும் வாய்ப்பு உண்டு.. ஆனால் கால்கள் இன்றி அமைதியாய் அழுகின்றேன்...அழுகின்றேன் ...

நிசப்தம் கலைந்தது .. நிதானம் பிறந்தது .. நிகழ்வு அல்ல .. கனவும் அதிபயங்கரம் என்றுண்ர்ந்தேன் !

தாமதமாய் ..

இறைவனிடம் கேட்டேன் ..

வார்த்தை வேண்டுமென்று;

தாமதமாய் கொடுத்தான் ..

கொடுத்ததெல்லாம் கவிதை!

....ஒரு மிஸ்ஸ்ட் கால் !

எழுந்திரு நண்பனே..

நான் விழித்துவிட்டேன்;

என்னிடம் பணம் காலி..

ஒரு முறை எனைக் கூப்பிடு;

மிஸ்ஸ்ட் கால் !

வீடு சென்று சேர்ந்துவிட்டேன் அன்பே,

நீ இன்னும் வராமல் என்ன செய்கிறாய்?

ஆஹா ! .. எத்தனை எத்தனை அர்த்தங்களில் .. இந்த ஒரு மிஸ்ஸ்ட் கால் ?

வார்த்தைகளை அநியாயமாய் சுருக்கி,

வருமானத்தை அதிகமாய் பெருக்கும்..

மாடர்ன் உலகின் .. அழகிய மிஸ்ஸ்ட் கால் !

உன் கூந்தல் ..

தென்றல் தீண்டிவிட்டு சென்ற சந்தோஷத்தில்...

அதோ அவற்றின் ஆனந்த நர்த்தனம் !

சுனாமி

இதமாய்..ஒரு தீண்டல்

சுட்டெரித்த கத்தரி வெயிலில்..

ஜில் ஜில் பார்வையால்..

இதயத்திற்கு சொற்கம் காட்டினாய் !

பெண்ணே,

உன் விழிகள் என்னை,

இதமாய் தான் தீண்டின..

அதற்கே இப்படி ஆனேனோ!